Майстэрня відэапраектаў у Вільні
CreateCulture Group запускае Майстэрню відэапраектаў — афлайн-курс у Вільні для тых, хто хоча навучыцца ствараць карысныя відэапраекты для і пра беларусаў і беларусак.
У вас ёсць ідэя сацыяльнага, культурнага і адукацыйнага кантэнту на беларускай на YouTube і вы не ведаеце, як падступіцца да відэавытворчасці? Падавайцеся на Майстэрню, дзе вы на практыцы навучыцеся ствараць, здымаць і мантаваць відэапраекты!
Што вас чакае:
- 7 выкладчыкаў і выкладчыц з вопытам стварэння кіно і відэакантэнту
- тэарэтычныя і практычныя заняткі
- ментарская падтрымка падчас распрацоўкі і стварэння вашага відэапраетка
- два пітчынгі пілотнага праекта
- абсталяванне для здымак: святло, камеры і гук
- утульная студыя для вашых творчых заняткаў
Шукаюць 15 прадстаўнікоў і прадстаўніц некамерцыйнага сектара, творчага класа, актывістаў і актывістак, і тых, хто хоча ствараць важны кантэнт, ці ўкараніць медыякампанент у дзейнасць сваёй НДА.
Пачатак заняткаў запланаваны на 23 кастрычніка. Завяршэнне курса — 9 снежня.
Для ўдзелу неабходна запоўніць заяўку да 15 кастрычніка і падрыхтаваць невялікую прэзентацыю ідэі ды апісаць вашу матывацыю. Вынікі адбора будуць вядомыя 17-18 кастрычніка.
Калі ў вас ёсць пытанні, дасылайце іх на скрыню: hello@createculture.group.
